3. maj 2002

UPA 2002/27

 

 

Grønlands Tekniske Organisationi pillugu Inatsisartut peqqussutaata allanngortinneqarneranik Inatsisartut peqqussutissaattut siunnersuut

pillugu

Inatsisartut Attaveqarnermut Pilersuinermullu aamma Ineqarnermut Ataatsimiititaliaata

ISUMALIUTISSIISSUTAA

Aappassaanerinermi saqqummiunneqartoq

 

Inatsisartut Attaveqarnermut Pilersuinermullu aamma Ineqarnermut Ataatsimiititaliaat suliarinninnermini ukuninnga inuttaqarpoq:

 

Inatsisartuni ilaasortaq Godmand Rasmussen, Atassut, siulittaasoq
Inatsisartuni ilaasortaq Tommy Marø, Siumut, siulittaasup tullia
Inatsisartuni ilaasortaq Per Rosing-Petersen, Siumut
Inatsisartuni ilaasortaq Paninnguaq Olsen, Inuit Ataqatigiit
Inatsisartuni ilaasortaq Mogens Kleist, Kattusseqatigiit

 

Inatsisartut Attaveqarnermut Pilersuinermullu aamma Ineqarnermut Ataatsimiititaliaata UPA 2002-mi siullermeerinerup kingorna siunnersuut nassuiaatitai ilanngullugit misissuataarpaa.

Erngup akiisa allannguutaat Inatsisartut Aningaasaqarnermut Ataatsimiititaliaannit akuerineqartarunnaarlutik taamaallaalli Naalakkersuisunit akuerineqartalernissaannik Naalakkersuisut siunnersuutaat Inatsisartut Attaveqarnermut Pilersuinermullu aamma Ineqarnermut Ataatsimiititaliaata isumaqatigiittup taperserpaa.

Ataatsimiitialiap iluarisimaarlugu maluginiarpaa allannguutikkut tassuuna erngup akiisa allan-ngortinneqarnissaannik akuersissutiginnittarnermi periutsit eqaallisarneqassasut.

Ataatsimiititaliap isumaqatigiittup siunnersuutip akuersissutigineqarnissaa inassutigaa.

Taama oqaaseqarluni Inatsisartut Attaveqarnermut Pilersuinermullu aamma Ineqarnermut Ataatsimiititaliaata siunnersuut aappassaaniigassanngortippaa.

 

	Godmand Rasmussen, Atassut, siulittaasoq
Tommy Marø, Siumut, Næstformand		Per Rosing-Petersen, Siumut
Paninnguaq Olsen, Inuit Ataqatigiit		Mogens Kleist, Kandidatforbundet